Кога имате мало дете, а треба да стигнете некаде во одредено време, тоа подразбира сериозни стратегии – кога да станете, кога да го дадете да јаде и сето тоа, се разбира, со многу попатно убедување и потсетување да се облече, да ги измие забите… .
Во таква ситуација е и Натали Еванс, инфлуенсерка и мајка на петгодишно дете, па затоа на Инстаграм сподели трик кој и помогнал наутро побрзо да го подготви своето дете за во училиште – за само 40 минути.
„Ова е одличен трик, се подготвуваме и секое утро пристигнуваме на време“, вели оваа мама во објавата, а потоа го покажува трикот што го користи. Имено, таа го поделила времето на часовникот на одредени делови и ги обоила во различни бои, за детето да сфати што треба да направи пред стрелката да премине на следната боја.
Црвената боја на часовникот е знак дека е време за станување, зелената значи дека детето треба да појадува, жолтата е сигнал дека е време да се мијат забите и да се исчешла косата, сината го потсетува детето дека треба да се облече, а портокаловата е знак дека е подготвено за училиште.
Еванс вели дека овој трик со бои на часовникот и помага детето да се подготви на време.
„Моето петгодишно дете нема претстава за времето. ‘Имаш пет минути да ги измиеш забите’ нему не му значи ништо“, објаснува мајката и додава дека токму поради тоа решила да и помогне на ќерка си да знае што и кога треба да направи. Таа додава дека може да се користи и со поголеми деца, за да се знае кога е време за домашна работа, гледање телевизија или подготвување за спиење.
Многу родители се воодушевени од оваа идеја – „Одлична идеја“, „И ние го направивме ова, навистина помогна некое време“.
