Кога станува збор за одвикнувањето од пелени, тајмингот е сè. Се прашувате што значи тоа? Тоа значи дека ако започнете со навикнување на нокшир кога вашето дете не е подготвено, резултатите сигурно нема да бидат задоволителни. Целиот процес ќе ви зададе многу маки и ќе ви одземе исто толку време – залудно. Од друга страна, ако ја пропуштите вистинската прилика, вашето дете може уште повеќе да му се спротивстави на процесот подоцна. Вистинското прашање е: како да знаете кога да започнете?
Кога е вистинското време за одвикнување од пелени?
Најчесто, времето за одвикнување од пелени е помеѓу втората и третата година од животот на детето. Нека овој податок ви служи само како рамка – немојте да го споредувате вашето дете со другите, бидејќи секое дете има свој ритам и брзина на развој.
Подготвеноста на детето за одвикнување се покажува и во фреквенцијата на мокрење. Ако е сè уште многу често, на секои половина час или час, тоа не е подготвено. Но, ако интервалот помеѓу мокрењата е два часа или повеќе, ова е знак дека детето е способно да ја задржи урината, а тоа е клучно за одвикнување на која било возраст
Знаци дека детето е подготвено:
- Покажува интерес: Почнува да ги набљудува вашите навики за одење во тоалет и да поставува прашања. Објаснете му дека одите во тоалет наместо да користите пелени. Иако можеби ви е непријатно, некогаш пуштете го детето во тоалетот со вас.
- Самостојност во облекувањето: Важен знак е и способноста самото да ги повлече панталоните нагоре и надолу.
- Фреквенција на мокрење. Ако мокрењето е сè уште многу често, на секои половина час или еден час, тоа не е подготвено. Но, ако интервалот помеѓу мокрењата е два часа или повеќе, ова е знак дека детето е способно да ја задржи урината, а тоа е клучно за одвикнување на која било возраст.
Совети за успешно одвикнување
За почеток, знајте дека трпението и упорноста се клучот за успех во одвикнувањето од пелени. Вашиот став нека биде лежерен и опуштен за детето да може без страв да тргне во целиот процес. Ако за време на одвикнувањето детето случајно изврши нужда во гаќичките, немојте да го повишувате тонот или да го казнувате. Пружете му поддршка и утеха.
Можеби најдобриот совет е од одвикнувањето да направите игра. Правете му друштво на детето кога е на нокшир, читајте му сликовници и играјте си со него. Освен тоа, пружете му можност да го одбере нокширчето што го сака и кое го потсетува на нешто што го радува. На тој начин, детето со радост секојпат повторно ќе седнува на него.
Време е за долна облека – купете му на детето интересна долна облека или нека само ја одбере онаа што му се допаѓа. Повторно станува збор за ситница, но доволно голема за да го поттикне детето целосно да се одвикне од пелени.
Следниот совет се однесува на практичната облека што вашето дете треба да ја носи за време на одвикнувањето. Накратко заборавете на комбинезони и боди и облечете го детето во панталони што лесно се спуштаат или практични фустанчиња што лесно можат да се подигнат.
