УВ зраците може да ги оштетат очите кај бебињата и децата, па офталмолозите советуваат бебињата да носат очила кога излегуваат на сонце.
“Сите деца треба да ги заштитат очите од сончевата светлина за да се спречат изгореници и оштетувања на очите. Кај малите бебиња, очите се уште се во развој, па е исклучително важно да се заштитат од штетни УВ зраци“, вели офталмологот Вик Шарма.
Се препорачува деца на возраст до 10 години да носат очила на силно сонце. Важно е да се напомене дека треба да бидат очила кои навистина во себе имаат заштита од лошите сончеви зраци.
Што ако бебето не сака да носи очила и постојано ги вади?
На кого не му е позната оваа ситуација? Не се нервирај, полека ќе се навикне. Потрудете се да изберете што поудобен модел, така да бебето не чувствува непријатност додека ги носи на лицето.
Зошто очите на бебето се под поголем ризик од сонцето?
Рожницата, леќите и течностите се многу почисти кај бебињата отколку кај возрасните. Тоа дозволува зраците од покуса бранова должина да допрат до ретината, што потоа доведува до катаракта подоцна во животот.
Децата и тинејџерите се многу поподложни на оштетувања, оти генерално повеќе време минуваат надвор од возрасните.
