Консумирањето поголеми количини на одредени омега-3 масни киселини кои се наоѓаат во рибите како лососот може да го намали ризикот од астма кај децата, но само кај оние со вообичаена генска варијанта, укажува нова студија.
Имено, се работи за честа варијанта на генот FADS, кој го имаат голем број деца. Децата со оваа варијанта на генот имаат тенденција да имаат пониски нивоа на долгосинџирни омега-3 масни киселини во крвта. Така, кај овие деца, поголемиот прехранбен внес на ваквите омега-3 масни киселини е поврзано со помал ризик од астма.
Во ова истражување, научниците се фокусирале на долгосинџирестите омега-3 масни киселини – еикозапентаеноична киселина (EPA) и докосахексаеноична киселина (DHA), за кои е познато дека имаат антиинфламаторни својства.
Се смета дека децата треба да имаат урамнотежена здрава исхрана која се состои од зеленчук, овошје, интегрални житарки, како и здрави масти – вклучително и омега-3 масни киселини.
Извор: European Respiratory Journal
