Бременоста не е болест и не треба така ниту да се сфати, особено ако се е во ред и бебето убаво се развива, а вие се чувствувате добро. Симптомите кои се јавуваат за време на бременоста понекогаш знаат да бидат невообичаени, особено на самиот почеток на бременоста, но постојат и некои симптоми кои можат да укажуваат на опасност и ни случајно не треба да ги игнорирате.
Имајте на ум дека ниту еден од овие симптоми не моранужно да значи дека нешто страшно се случува, но најдобро е да не проценувате сами, туку да се обратите кај лекар. Ова се предупредувачки знаци:
- Крварење – колку и да е мало, може да биде сигнал за некои компликации и треба да ве прегледа лекар.
- Упорна и интензивна абдоминална болка
- Интензивна мачнина и повраќање – потребно е лекар да утврди дали се работи за вообичаена утринска мачнина во бременоста, која најмногу се јавува во првото тромесечје, или не ешто друго во прашање.
- Температура повисока од 38 степени
- Ненадејно намалување на количината на течност што ја уринирате. Задржувањето на вода во бременоста може да биде потенцијално опасно.
- Болка и печење при мокрење – може да биде знак за уринарна инфекција, а тоа може да влијае на растот и развојот на фетусот доколку се занемари и не се лекува.
- Изненадно отекување на нозете, рацете и лицето
- Интензивна вртоглавица или проблеми со видот, како што се гледање точки или ви „искри“ светлина пред очи.
- Константна главоболка
- Истекување течност од гениталиите
- Отсуство на движење на бебето во бременост која е поголема од пет месеци
- Силни и интензивни контракции пред 39-та недела од бременоста.
