Ова се нови, забрзани времиња. И трката да се фати и да се стигне се. Затоа денес многу трудници работат до самото породување. Седат зад компјутер, разговараат на телефон, скролаат… секојдневно се изложени на зрачење. Исто како оние кои ја “одлежуваат“ бременоста, па го поминуваат времето со користење на лаптоп.
Што велат експертите?
Некои научници сметаат дека електронските уреди и не се толку опасни за време на бременоста, додека други строго ги предупредуваат трудниците да ги користат внимателно.
Нивото на зрачење од мобилните телефони, компјутерите, лаптопите и сличните уреди е многу пониско од зрачењето на опасните рендгенски зраци.
Спроведени се многу студии за влијанието на ова ниско зрачење врз самиот фетус и можноста за предизвикување абортус, но резултатите не покажале јасно ниво на ова влијание.
Меѓутоа, Светската здравствена организација го смета нивото на ова зрачење за потенцијално опасно и ги советува трудниците да бидат внимателни, иако нема научно докажани тврдења дека употребата на електронски уреди со ниско зрачње има штетно влијание врз трудниците.
Што треба да се избегнува?
Опасни зрачења за трудниците се рендген снимките, кои треба да ги избегнувате за време на бременоста.
Ултразвучното зрачење кое се емитува при ултразвучен преглед се смета за безопасно, а овие прегледи се исклучително важни за време на бременоста.
Неколку совети…
• Кога користите мобилен телефон, претпочитајте да користите слушалки и држете ги подалеку од вас кога не ги користите
• Лаптопот секогаш чувајте го на маса или во држачот за лаптоп, а не во скут
• Во текот на ноќта, оставете ги или исклучете ги мобилните уреди и држете ги подалеку од вас
• Намалете ја изложеноста на уреди колку што е можно повеќе
