Вагиналниот исцедок по породувањето генерално престанува да се појавува околу шестата недела или дотогаш е многу оскуден. Кога исцедокот станува белузлав, тоа е знак дека постелката целосно зараснала. Кај жените кои дојат, ова закрепнување на плацентата може да биде побрзо. Во овој период, додека трае исцедокот, се препорачува избегнување на сексуален однос.
Вагиналниот исцедок по вагиналното, односно природно породување – лохија (лат. Lochia), е нормална и очекувана појава која трае во наредните 4-6-8 недели, и во тој период се менува бојата, количината и мирисот на исцедокот. Оваа состојба минува без болки, без зголемена телесна температура и без други тегоби.
Лохијата во текот на првите три постпородилни денови е со темно црвена боја, густ и понекогаш со крвни грутки. Исцедокот од 4. до 20. постпородилен ден е поводенест, со променета боја кон розева или светлокафена, а а крвните грутки се се помалку у наскоро ги снемува.
Околу 7. до 10. ден, па се до 14. ден по породувањето, вагиналниот исцедок станува жолтеникав или во крем боја и е се пооскуден. Ваквата негова боја се задржува и во наредните неколку недели, во вкупно 6-8 недели, количински се намалува, но благо зголемување на колчината може да се забележи при станување, превитукување, извршување на физички работи и слично. За цело време, неговиот мирис е речиси ист како и за време на менструалното крварење.
Кога треба да побарате мислење од гинеколог?
Начелно, секое зголемување на телесната температура, болки особено во долниот дел на стомакот, чешање во интимниот дел, отежнато мокрење или столица во постпородилниот период е причина за да се побара консултација со гинеколог.
