Првите алергиски реакции на храна може да се појават уште на самиот почеток на воведување на цврста храна во исхраната на бебето, но и подоцна, доколку бебето има склоност кон алергии (атопичен тип) или ако некоја храна се воведе во исхраната на бебето пред препорачаниот тајминг.
Алергиската реакција на одредена намирница, секако, ќе биде поблага ако се воведе подоцна, пред се, поради поголемиот степен на развој и зрелост на дигестивниот систем, а ова посебно се однесува на високо алергени намирници во исхраната на бебето, како што се кравјото млеко, белка од јајце, мед, цитрусно и зрнесто овошје, кикиритки, печурки и слично.
Препорачливо е по неколку месеци да се обидете „проблематичната“ намирница да му ја дадете повторно на детето, во многу мали количини, и внимателно да ја следите реакцијата, бидејќи се случува едноставно детето да ја „надрасне“ и алергиската реакција на одредена храна да не се појави повеќе
Доколку кај детето веднаш по оброкот или малку подоцна се појави осип на кожата, повраќање, дијареја, болки во стомакот, кашлица, гушење, екстремна вознемиреност – сето тоа може да биде знак за алергија на храна. Во тој случај е неопходно дадената намирница да ја исклучите од исхраната, за почеток, на одреден период, а доколку е потребно, за жал, и засекогаш. Секако, добро е по неколку месеци да се обидете „проблематичната“ намирница да му ја дадете на детето повторно, во многу мали количини, и внимателно да ја следите реакцијата, бидејќи се случува едноставно детето да ја „надрасне“ и алергиската реакција на одредена храна да не се појави повеќе.
Поради сето споменато, во првата година од животот на детето не треба да употребувате мед и производи од мед, кикиритки (солени стапчиња со кикиритки, смоки…), ореви, лешници, бадеми, морски плодови, лимон, портокал, мандарини, киви, малини, јагоди, капини, боровинки, рибизли…
