Во овој период од годината, мечтаењето за децата е многу активно. Ги пуштате ли да веруваат во Дедо Мраз, џуџиња, магични помошници, летечки елени и останата магија? Децата пишуваат писма, се трудат да бидат добри, очекуваат… Сепак, понекогаш се прашуваме може ли да имагинацијата преголема? Ќе живее ли детето во бајка, ако му читаме бајки?
Но, не грижете се, еве и зошто…
Во свет во кој владеат компјутери, мобилни телефони и таблети, децата побрзо созреваат. Се очекува порано да тргнат на училиште и уште во градинка да научат да пишуваат, читаат и пресметуваат. Наместо бајки читаат научни написи, играат со едукативни играчки, решаваат загатки… Факт е дека од децата имаме се поголеми очекувања. Очекуваме да бидат реални, рационални и одговорни – се се тоа големи особини кои се предизвик и за возрасните.
Денес, еден од најважните фактори за зрело размислување кај децата е разликување на имагинацијата од реалноста. Од тие причини, верувањето во Дедо Мраз и останатите магични ликови ограничено е на раното детство. Сепак, социолошките теории и истражувања укажуваат дека верувањето во Дедо Мраз може да биде корисно за социјалниот и когнитивен развој на детето. Како?
Студиите покажуваат дека верувањето во целата новогодишна и божикна бајка е поврзано со просоцијалното однесување внатре во семејството како зближување и делење.
