Секој кој некогаш бил во близина на бебе кое плаче знае колку е тешко да се смири. Лулање, пеење, шепотење, повивање, возење во количка или автомобил – родителите знаат дека некои од овие работи на крајот мора да функционираат.
Но, научниците спровеле интересна студија, објавена во Current Biology, во која откриле техника која за само пет минути ќе ја реши ситуацијата.
Како што напишале научниците, ако сакате да смирите расплачено бебе, најлошо што може да направите е да го земете во раце и да седнете. Тоа само може да го продолжи плачењето.
Тие утврдиле дека е подобро бебето да се земе во раце и да се прошета. Таквата положба го намалува бројот на отчукувања на срцето кај бебето и помага побрзо да заспие. За време на истражувањето, биле доволни пет минути лесна прошетка за бебињата кои веќе плачеле, се смират и заспијат.
Расплаканите бебиња се смирувале и заспивале во рок од 5 минути откако ги држеле и оделе, дури и во текот на денот кога бебињата почесто се будни, појасниле истражувачите.
Интересно е тоа што истражувачите се занимавале и со уште еден голем проблем со кој се соочуваат родителите кога ги заспиваат бебињата – како да го префрлат бебето од раце во креветче без тоа да се разбуди.
Откриле дека испитаниците кои ги заспивале своите бебиња користејќи ја техниката “држи и оди“ имале најголем успех во префрлањето на бебето во креветче. Имено, ниту покривањето или затворањето на вратата од собата не успеало да ги разбуди бебињата.
Научниците препорачуваат бебето цврсто да се земе во прегратка, во раце, да се потпре или придржи главата и да се доближи до вашето тело. Прошетката треба да биде на рамна површина и со рамномерно темпо без неочекувани застанувања или вртења.
Иако истакнуваат дека секое бебе е поинакво, ова техника покажала најголем успех помеѓу бебињата кои плачеле. Исто така, додаваат дека студијата е правена на мал број бебиња, и дека за конретните причини зошто ова техника најдобро функционира, ќе бидат потребни дополнителни студии.
