Без оглед колку децата се возрасни, тие се многу мудри и тактични, кога станува збор за криење на некои работи за кои не сакаат да дознаат нивните родители. За да бидете подготвени на најчестите детски лаги, во продолжение ќе ви претставуваме некои од нив.
- Доколку детето е малтретирано на училиште, тоа многу веројатно нема да им каже на родителите. Всушност, оние деца кои ги малтретираат ќе им се закануваат, па децата ќе се плашат да им ја кажат вистината на родителите. За да дознаете дали вашето дете е малтретирано, ќе треба да обрнете внимание на знаците на насилство.
- Ако вашата ќерка има момче, тешко дека ќе ви го открие тоа. Вљубувањето и врските најчесто се кријат од родителите, а особено ако детето знае дека родителите никогаш нема да го одобрат неговиот избор.
- Во денешно време илегалната дрога е многу популарна, па ретко кое дете нема да проба. Ако вашето дете консумира илегална дрога, вие како родител најчесто последен ќе дознаете, или воопшто нема да дознаете.
- Тинејџерите никогаш на своите родители нема да им признаат кога го имале првиот сексуален однос. Знае да се случи девојчиња да останат бремени, но и тоа да им го кажат на родителите, се додека не се забележат промените.
- Забавите се случки за кои родителите малку знаат. Не се знае зошто, но тинејџерите никогаш нема да кажат дека станува збор за забава.
- Ако тинејџерот пуши цигари, тоа никогаш нема да им го каже на родителите, па родителите колку и да се трудат да дознаат ќе им биде залудно.
- Тинејџерите најчесто одат кај своите другари да учат или да пишуваат домашна задача, но никогаш не велат дека одат да разговараат или да се забавуваат. И ова вешто го кријат, и не сакаат да им ја кажат вистинската причина на своите родители.
- Кога детето ќе добие лоша оцена, или ќе падне на испит, тоа ретко кога ќе им го признае на родителите. Исто така, кога се во прашање домашните задачи, детето речиси никогаш ги нема.
