Според податоците на Националниот центар за здравствена статистика на САД, најмногу бебиња се раѓаат во одреден месец и тоа во точно одредени денови.
Според статистичките податоци, најпопуларен месец за раѓање деца е септември, поточно периодот меѓу 9 и 20 септември. Прашањето, се разбира, е зошто?
„Ако пресметате дека бременоста во просек трае 38 недели, тоа значи дека многу парови зачнале во декември, околу празниците. Има смисла дека повеќето парови ќе забременат за време на празниците“, објаснува докторката Витни Касарес за „Parents“.
Уште една причина, истакнува д-р Касарес, е фактот што спермата е поквалитетна во зима во однос на летните месеци.
„Претпоставката е дека промените во должината на дневната светлина може да ја направат околината на јајце клетката посоодветна за прием на спермата. Но, потребни се повеќе истражувања за да се разбере овој интересен феномен“, додава таа.
