Едно од пет деца во Англија е обезно, а во земјава не се достапни информации каква е состојбата со прекумерната тежина кај нашите деца во однос на европските држави. Децата, во поголем процент почнуваат редовно да се мерат и вагаат во основно училиште.
Но, нова студија предлага родителите да ја следат телесната тежина кај детето, уште од втората година од животот.
Тим научници, предводени од проф. Ламиес Хасан, проучувал 54 интернационални студии. Анализирани биле податоци од над 700.000 деца и откриле типичен индекс на телесна маса за девојчињата и момчињата, на возраст помеѓу четири и 11 години. Но, студиите кои ги следиле децата во рана возраст (пред четвртата година), упте тогаш пронашле видливи индикации на обезност.
Тоа значи дека мерењето со почетокот на училиштето, не е доволно за да се спречи ризикот од прекумерна тежина кај децата. Претходно проучување е клучно за да се елиминира ризикот од болести како дијабетес тип 1 и масен црн дроб. Токму затоа, тимот стручњаци предлага родителите да ја следат телесната тежина кај детето уште од втората година од животот.
Што е нормално?
Дебелината се повеќе почна да се јавува во пораната возраст, па родителите потешко ги воочуваат сигналите на време. Една британска студија открила дека мал број луѓе ја сметаат тежината на своето дете за проблематична, а една третина верувале дека децата имаат здрава тежина, а всушност биле обезни. Проблемот лежи и во индексот на телесна маса (BMI), кој не ги зема предвид обемот на мускулите и мастите кај децата. Според американскиот Центар за контрола и превенција на болести, момчињата на возраст од две години тежат околу 12,5 килограми, а девојчињата 12 килограми.
