Истражување на една британска организација за грижа за деца, покажало дека на родителите главен тригер за стресот, им е хаосот во куќата, кој тешко може да се избегне кога децата се многу мали. Следно на листата е ненаспиеноста, а потоа грижата околу пронаоѓањето соодветна градинка или бебиситер.
Во анкетата учествувале над 4.000 родители од двата пола и речиси половина од нив признале дека нивното ментално здравје во некој момент влијаело на односот кон децата. Поголем проблем од однесувањето на децата, за 60% од родителите претставувал хаосот во куќата, и тоа повеќе ги загрижувало повеќе и од можноста детето да залута во некој метеж на јавно место.
За 55% од родителите кои учествувале во истражувањето, хроничната ненаспиеност била најголем извор на стрес, додека 30% се грижеле околу тоа дали ќе најдат соодветна грижа за детето по породилното остсуство, било да е тоа градинка или бебистер.
Овие податоци се поклопуваат со статистиката на Фондацијата за ментално здравје во Велика Британија, која вели дека 68% од жените и 57% од мажите кои имаат проблеми со менталното здравје, имаат деца.
