Иако на многу родители им се чини дека нивното дете има тантруми или измислува одредени работи само за да привлече внимание, детскиот психолог и мајка на три деца Мелиса Грифинг објаснува дека тоа всушност може да бидат знаци на неговата анксиозност. Детето понекогаш кажува одредени реченици и фрази, не за да ни го привлече вниманието, туку затоа што во тој момент е загрижено или вознемирено заради нешто.
Како што објаснува психологот, нашите деца ја покажуваат својата анксиозност на неколку различни начини кои ние како родители често не ги разбираме. Токму затоа, вели таа, издвоила дури 15 начини на кои детето ќе покаже дека се чувствува лошо.
Таа наведува многу реченици, од кои некои се „ме боли стомак“, „морам повторно во тоалет“, „ме болат нозете“, „не сакам да одам на училиште“ и „не сум гладен“. Исто така, таа нагласува дека секогаш е важно тие исти жалби добро да се проверуваат кај лекар, особено ако детето почесто се жали на нив.
Иако тоа може да бидат показатели дека детето навистина има болки во стомакот или некој друг здравствен проблем за кој е потребна терапија, во многу случаи станува збор токму за чувство на анксиозност поради нешто што го доживува во тој момент, додава Грифинг.
Во коментарите на оваа нејзина објава на социјалните мрежи, веднаш ја контактирале многу родители кои во споменатите знаци го препознале своето дете и признале дека често игнорираат кога нивните деца ги кажуваат токму овие реченици, мислејќи дека само се обидуваат да го привлечат нивното внимание. Некои од родителите дури и го препознале сопственото однесување од детството како знак на анксиозност.
„Како дете и јас често се жалев на болки во стомакот. Моите родители не ми веруваа, дури сега гледам дека тоа навистина бил знак на аксиозност, барем за мене“, напишала една жена под објавата.
