Сосема е нормално и природно секој родител да има заштитнички однос кон своето дете, но што ако во тоа претера, колку тоа ќе се одрази на неговиот развој на личноста. Популарниот руски психолог Михаил Лабковски зад себе има 40 години работа со семејства. Во една приликатој го изнел своето мислење за тоа што се случува кога премногу го штитиме детето.
Лабковски вели дека многу земји имаат голем проблем со тоа што родителите се премногу заштитнички настроени кон своите деца. Мајките генерално, како што посочува, не им дозволуваат на децата да носат одлуки и се прават наместо нив. Затоа што, се разбира, тие тоа ќе го направат подобро од детето.
Лабковски строго препорачува родителите да се ослободат од оваа навика.
Во современата психологија, сите норми на однесување се прикажани според возраста на детето. На пример, на петгодишна возраст, детето е сосема способно да се облекува и да ги врзува врвките од чевлите. Од осум -девет години може да чисти со правосмукалка и да мие садови. Психологот вели дека оваа можност треба да им ја дадеме на децата, не така што ќе ги приморуваме, туку така што ќе се потрудиме да ги заинтересираме за тоа.
“Ако ги погледнете европските земји, таму никој нема да се изненади или да реагира ако дете скокне во бара. Кај нас веднаш ќе го слушнете “застани“. Значи, нашите деца растат исплашени, постојано гледаат наоколу и се се плашат“, објаснува психологот и додава:
“Дури и мала работа како купување облека треба да му даде можност на малиот човек да биде слободен. Започнете со ова. Оставете му на детето да избере што му се допаѓа во продавницата, дури и ако тоа е најсмешното нешто што сте го виделе“, советува Лабковски.
На децата им треба само безусловно да ги сакате, смета психологот, а секое незадоволство од нивните деца е само одраз на личното незадоволство на родителите.
