Во последниве години, многу се зборува за хеликоптер родителите, забавите за откривање на полот на нероденото бебе и зафатените распореди на децата. Што ни носи 2024 година? Еве неколку предвидувања за тоа кои ќе бидат главните трендови во новата година.
Мали пресвртници
Родителите ги слават првите насмевки, првите чекори и првите зборови на своите бебиња, но од оваа година “ин“ би можеле да станат помалите пресвртници, како што е одвикнување од цуцла или самостојно облекување чевли. Д-р Товах П. Клајн се согласува дека е логично да се слават помали победи.
„Развојот на децата се одвива сантиметар по сантиметар и обично забележуваме големи скокови, но на децата им значи многу ако ги славиме и малите нешта“,вели таа.
Елиминациона комуникација
Во претходните години, педијатрите ги советуваа родителите да почекаат додека децата сами не покажат знаци дека се подготвени да ги тргнат пелените и да користат нокшир, што обично е на возраст од 2 до 3 години. Но, методот на рано одвикнување познат како елиминациона комуникација е во подем.
Станува збор за метод кој со години се применува во земји како Иран, Виетнам и Кенија, а вклучува угодување на знаците на бебето и ставање на нокшир веќе во првата година од животот.
„Тоа има смисла бидејќи бебињата даваат знаци дека мораат да изврпат нужда, исто како што прават кога се гладни или поспани“, вели Андреа Олсон, експерт за одвикнување од пелени.
Нежно родителство
Речиси половина од мајките и една третина од татковците практикуваат нежно воспитување, покажала една анкета на Универзитетот во Мичиген спроведена помеѓу 2.044 родители. Дури 78 отсто од родителите велат дека посакуваат да имаат повеќе трпение, што е многу важно за нежно родителство.
Наместо да казнуваат, денешните родители поставуваат граници и ограничувања и им даваат на децата патоказ за однесување и нашите очекувања од нив.
Споделување фотографии од деца
Тешко е да се одолее на објавување фотографии од децата на социјалните мрежи, но сè повеќе родители стануваат свесни дека со тоа создаваат дигитален отпечаток на нивните малечки уште пред тие да се способни да сфатат што значи тоа.
Кејт Блокер, директор за истражување и програми во Children and Screens: Institute of Digital Media and Child Development, предлага да побарате дозвола од вашето дете пред да објавите нешто за него на интернет.
Професорката по право на Харвард, Леа Плукет, ги советува родителите да ги објавуваат само оние фотографии од кои не би се срамеле да ги видат на голем билборд покрај патот.
