Претходните препораки кои беа темелени на информации и упатства со кои се раасполагаше, говореа дека само лицата со акутни респираторни инфекции треба да нодат маска која ги покрива устата и носот на корисникот. Но, од пред извесно време, задолжителното носење на лична заштита, во која спаѓа и носењето на заштита на носот и устата, односно маска за лице на јавни места каде не може да се одржува безбедно растојание, како јавен превоз, продавници, маркети, банки…, може да ја подигне свеста за физичката оддалеченост и здравствено освестено однесување.
МАСКА ЗА ЛИЦЕ
Маските за лице, во најширока смисла, се маски кои се изработуваат од комерицјално достапни двослојни памучни материјали со погусто ткаење и се носат во секојдневниот живот. За оптимална ефикасност двослојната памучна текстилна маска за лице, која има улога на текстилна бариера треба правилно да се носи (т.е. да се стави цврсто прилепена на носот и устата), да се менува ако е мокра и да не се допира додека се носи.
УПАТСТВА ЗА РАКУВАЊЕ СО МАСКА ЗА ЛИЦЕ
Најдобра заштита од потенцијално пренесување на новиот коронавирус и натаму е одржувањето на физичка дистанца од други лица, кои потенцијално се носители на вирусот. Без разлика на тоа, физичката бариера која настанува со правилно носење на маска за лице може да пружи одредена заштита против поголеми капки, во кои може да се наоѓа вирусот, и да спречи допирање на слузницата на носот/устата со валкани раце. Таквите маски за лице можат, како и останатите текстилни предмети, да го забават струењето на издишаниот воздух или преносот на респираторни капки и да ја засилат свеста за потребата за физичкото растојание, како и за повнимателно однесување кон себе и кон другите во вид на заштита на здравјето.
На тој начин може да се придонесе за намалување на понатамошното ширење на новиот коронавирус SARS-CoV-2, а во тој контекст за изработка на маска за лице посоодветен е памучен двослоен текстил со густо ткаење.
КОГА НОСИТЕ МАСКА ЗА ЛИЦЕ ТРЕБА СТРОГО ДА СЕ ПРИДРЖУВАТЕ КОН СЛЕДНИВЕ ПРАВИЛА:
- Маската мора да се користи само за лични потреби
- Неопходно е и понатаму да се придржувате до сите пропишани хигиенски мерки
- Дури и при носењето маска за лице, потребно е според препораката на СЗО да држите растојание помеѓу вас и останатите од два метри.
- При ставањето на маска, треба да водите сметка за тоа да до лицето се става вантрешната страна на маската.
- Една маска носи само едно лице, носените маски не смеат да се делат со други.
- Пред првата употреба, пожелно е маската да се испере и испегла.
- Пред и по ставањето маска, рацете треба темелно да се измијат со сапун.
- Маската треба да ги покрива устата, носот и дел од лицето, а на работ мора да биде прилепена за лицето, за да што е можно повеќе се намали протокот на воздух надвор од маската.
- Навлажнетата маска потребно е да се извади и да се замени со нова, сува.
- За да се спречи контаминација на арацете, треба да се избегнува допирање на надворешната страна на маската.
- По вадењето, маската треба да се стави во ќесичка или слично, и добро е да се затвори или веднаш да се испере.
- Маската по едно носење треба во идеални услови да се испере на 95 степени, а најмалку на 60 степени и темелно да се исуши.
МЕДИЦИНСКИ МАСКИ (ХИРУРШКИ)
Медицинските/хируршки маски првенствено се користат за заштита на други лица од изложување на потенцијално заразни капки на она лице кое носи маска. Нивната употреба е еднократна. Соодветна маска, исто така во одредена мера го штити корисникот кога е цврсто прицврстена. Првенствено се користи во медицински цели и служи за спречување на ширење на капките од издишаниот воздух на пациентот или друго лице, и може да го заштити подрачјето на устата и носот од директно влијание на поголеми капки од друго лице, како и од пренос на патогени со директен допир со раце.
