Веста дека очекувате принова сигурно е една од најубавите во животот, но со возбудата и очекувањето на доаѓањето на бебето, многу трудници кои за прв пат ќе станат мајки, се соочуваат со овие, најчести стравови.
Страв од спонтан абортус
Ова е еден од најчестите стравови на повеќето трудници, но добро е да се знае дека поголем процент од бременостите завршуваат успешно, со помалку од 20% спонтани абортуси. Повеќето од нив се случуваат во текот на првите недели од бременоста, најчесто во време кога жените и не знаат дека се трудни. Кога ќе почне работата на срцето на бебето, вообичаено помеѓу 6. и 8. недела од бременоста, ризикот за спонтан абортус се намалува на 5%.
Имам мачнини, добива ли бебето доволно храна?
Бебињата се одлични во способноста да ги апсорбираат потребните нутриенти од исхраната на мајката. Не треба да се грижите дека не добива доволно, оти повраќате, се додека правилно и здраво се храните, се што е потребно ќе стигне до фетусот. Консумирајте почести и помали оброци и внесувајте доволно течности.
Му штети ли на бебето, ако сум под стрес?
Повеќето спроведени истражувања на оваа тема покажале дека ако вообичаено сте под стрес и вашето тело се “навикнало“ на него, нема да му наштетите на бебето. Но, претераната количина на стрес, сепак може да предизвика предвремено породување во некои случаи.
Ќе има ли моето бебе некоја болест?
Секој преглед кај лекар може да биде извор на нов стрес. Сепак, знајте дека ризикот вашето дете да има некоја вродена маана е само 4%. Дури и некои тестови укажуваат на можноста за постоење на ризик бебето да боледува од нешто, но тоа не мора да биде 100% сигурно. Повторените тестови може да дадат поинакви резултати.
