Многу родители често се фалат со успесите на своите деца, без разлика дали се работи за богат вокабулар, самостојно читање или одлична меморија. Иако не постојат две потполно исти надарени деца, психолозите тврдат дека сепак има некои карактеристики кои превладуваат кај надарените деца, пишува „Very Well Family“.
Препознавањето на надарено дете, а потоа и дополнителното поттикнување на неговиот развој е исклучително важно за поттикнување на неговите интереси
Но, кои се особините по кои натпросечно надарените деца се издвојуваат од своите врсници? Препознавањето на единствените когнитивни, социјални и емоционални особини не е толку тешко и може да биде прилично лесно за добро обучено око да забележи надарено дете. Карактеристиките кои укажуваат на тоа дека детето може да биде надарено го вклучуваат следново:
- одлична способност за меморија,
- богат и напреден вокабулар,
- љубопитност,
- креативност,
- голема количина на енергија,
- чувствителност,
- емпатија.
Како што додаваат психолозите, детето не мора да ги исполнува сите споменати карактеристики за да може да се заклучи дека е надпросечно надарено. Исто така, препознавањето на надарено дете, а потоа и дополнителното поттикнување на неговиот развој е исклучително важно за поттикнување на неговите интереси.
Покрај тоа, важно е и за да се спречат можни конфликтни ситуации кои често може да настанат меѓу детето и неговите врсници или средината во која живее. Имено, надарените деца се специфични, па често имаат потреба од поддршка и разбирање од нивните родители, како и од воспитувачите или наставниците, со цел најдобро да го искористат својот потенцијал.
