Почетокот на фазата во градинка во животот на детето може да изгледа застрашувачки. Иако понекогаш се оди без проблеми, чести се ситуации каде што доаѓа до потешкотии и емоционален вртлог што ја носи оваа пресвртница.
Градинката нуди неверојатни искуства за децата, но често може да им требаат неколку недели за да се прилагодат на оваа нова животна навика и обврска, како и да почнат да напредуваат.
Овие 6 знаци покажуваат дека вашето дете добро напредува во градинка, според детскиот психијатар д-р Кејлин Хендерсон.
Се поврзало со својата воспитувачка
Колку побрзо вашето дете се поврзе со својот воспитувач и стекне доверба во него, толку побрзо ќе се навикне на новата рутина и ќе почне да напредува благодарение на искуството од учење и играње.
Сака да оди во градинка
Во текот на првите неколку недели, нормално е децата да се чувствуваат вознемирени, анксиозни или се плачливи, но тоа треба да почне да се менува со текот на времето. Како вашето дете се чувствува посмирено и поудобно, ќе забележите дека е и посреќно, пољубопитно и повозбудено за претстојниот ден. Секако, одвреме-навреме ќе има уште тешки денови, особено по слабо преспиена ноќ, но тие ќе бидат сè помалку и помалку.
Сите регресирани однесувања постепено исчезнуваат
Вообичаено е малите деца да регресираат во текот на почетниот период на прилагодување. Можеби повторно почнале да се будат во текот на ноќта, или понекогаш се чини дека направиле неколку чекори назад и, на пример, заборавиле да го користат тоалетот.
Кога детето добро ќе се снајде во градинка и конечно ќе почне да се прилагодува, овие регресирани однесувања ќе почнат да исчезнуваат – како што расте удобноста и самодовербата на детето.
Со љубов зборува за градинката
Штом на децата им е доволно удобно и градинката ќе им стане нов фокус, ќе почнете да слушате повеќе за воспитувачите, децата и активностите што ги прават таму, како и за новите работи што ги научиле.
Воспитувачите забележуваат напредок и ве информираат за доброто расположение на детето
Искуството на воспитувачите ви дава чувство на сигурност, па затоа е особено задоволувачко кога тие го фалат вашето дете и ве уверуваат со своите зборови и позитивни впечатоци.
Неволно си оди дома од градинка
Кога вашето дете е повеќе фокусирано на новите пријатели, воспитувачи и играта наместо да ве чека на врата за да ги земете, не сфаќајте го тоа лично, тоа е одличен знак дека вашето дете напредува.
