Работите што им ги кажуваме на нашите деца имаат големо влијание врз нивниот развој, како на нивното физичко, еднакво така и на нивнота психолошка состојба. Со оглед на тоа што родителите често несвесно им кажуваат на своите деца работи што навистина не треба, психолозите предупредија на една вообичаена фраза која е исклучително штетна за секое дете. Станува збор за фразата која гласи „престани да плачеш“.
Како што објаснуваат експертите, малите деца сè уште немаат способност да ги контролираат сопствените емоции, поради што често плачат од различни причини – кога се фрустрирани, лути, разочарани или тажни. Во повеќето случаи солзите се реакција на нешто што ги мачи, оптоварува или загрижува, а со кое во тој момент не знаат како да се справат како што треба.
Детето во секое време заслужува слободно да ги изрази своите чувства на начин што најмногу му одговара, а ако го срамиме поради тоа или го спречиме да плаче, само ќе се чувствува полошо. Покрај тоа, на тој начин ние го учиме нашето дете дека не е добро да има емоции и да ги покажува отворено, што може да резултира со повлекување во себе.
