Изразувањето љубов кон децата може да има силно влијание врз нивната емоционална сигурност и чувство на припадност. Секојдневните ритуали, како што е кажувањето смирувачки зборови пред спиење, помагаат да се изгради блиска врска помеѓу родителите и децата. Психотерапевтката и мајка на три деца, Џесика ВандерВиер, споделува фраза што им ја кажува на своите деца секоја вечер пред да заспијат. Според неа, овие едноставни зборови имаат длабоко значење и им помагаат на децата да се чувствуваат сакано и безбедно.
„Секоја вечер пред спиење им го кажувам истото на моите деца: „Толку многу те сакам! Знаеш ли кога ќе престанам да те сакам? Никогаш. Кога си стар/а, кога си млад/а; кога си брблив/а, мрозоволен/а, среќен/а, лут/а, тажен/а. Нема апсолутно ништо на овој свет што би можело да ја изгасне мојата љубов кон тебе. Те сакам повеќе од целиот свет.” Иако го слушнале ова од мене стотици пати, се уште секоја вечер гледам мала насмевка на нивните лица додека ги подготвувам за спиење“, открива ВандерВиер.
Додава и дека тоа е одлично и едноставно потсетување на родителската љубов.
„Замислувам колку е убаво да заспиеш со толку многу љубов – знаејќи дека си сакан безусловно и безбеден. Ваквите мали моменти ќе ги паметат нашите деца. Тоа е можност да се поправиме и потсетник на љубовта во тешки моменти, кои најмногу значат“, потенцира терапевтката.
Таа тврди дека овој едноставен чин на искажување љубов може да им даде на децата чувство на сигурност и припадност. Овие мали ритуали не само што ја зајакнуваат врската меѓу родителите и децата, туку помагаат и да се создадат спомени кои ќе траат цел живот.
