Овчите сипаници или варичела се честа болест кај децата, но и кај возрасните, а ги предизвикува вирусот varicella-zoster. Постојат многу знаци како да ги препознаете овчите сипаници, а првите се чешање и осип. Во повеќето случаи, со правилен третман, варичелата не е опасна и поминува за две недели.
КАКО МОЖЕ ДА СЕ ДОБИЈАТ ОВЧИ СИПАНИЦИ?
Овој вид на сипаници лесно се пренесуваат на лица кои се уште не ги прележале и тоа со престој во иста просторија со заразено лице или со допирање на работи на кои има течност од плускавците на заразено лице, но еднакво може да се пренесат и преку капков пат.
Почести се кај помалите деца кои играат заедно и допираат заразени играчки. Варичелата може да се добие и од заразено лице два дена пред да кај него да се појават малите црвени мозолчиња, односно осип, а болното лице е заразно додека крастите не се исушат, односно околу пет до седум дена по појавата на осипот.
КАКО ДА ПРЕПОЗНАЕТЕ ВАРИЧЕЛА?
Кај некои, овчите сипаници ќе имаат бидат пораширени и ќе предизвикаат повеќе проблеми, додека други ќе имаат помал осип и помалку сериозни симптоми. Во принцип, тие се поопасни за возрасните. Оваа болест се развива во фази, кои кај некои луѓе ќе се одвиваат истовремено. Се започнува со чешање и црвенило, додека на крајот се формираат красти, кои потоа се сушат.
- Црвенило
Прво ќе се појави црвенило на кожата, односно осип кој наликува на убод од инсект или мозолчиња. Овој осип може да се појави било каде на телото, дури и во внатрешноста на устата или околу гениталиите. Најчесто, прво се јавува на грбот, стомакот, темето на глабата и на лицето. Лесно се шири, а осипот може да биде со црвена, розова или потемна боја.
- Плускавци (меурчиња)
Потоа, осипот се претвора во меурчиња исполнети со течност кои може да пукаат, а притоа и чешаат. Овде е многу важно што помлаку да се допираат меурчињата за да не дојде до компликации.
- Красти
Меурчињата со текот на времето се претвораат во красти, додека од некои може да истекува течност. Крастите со тек на време се сушат, се додека не станат целосно суви и на крајот не исчезнат. Исто така, овчите сипаници може да бидат проследени со висока темепратура, болки, главоболка, губење на апетитот, нервоза, чувство на безволност. Кај возрасните, варичелата може да се појави во поголем размер и да трае подолго.
КОГА НА ЛЕКАР?
Штом забележите осип на телото на детето, потребно е да се посети лекар. Лекарот поставува дијагноза со земање на анамнеза и проучување на кожата на болното лице. Ако се јавува и осип на очите или ако меурчињата се жешки, чувствителни на допир и многу црвени, кога ќе се појаву вртоглавица, забрзана работа на срцето, отежнато дишење, кашлица или многу висока темепратура, потребно е веднаш да се контактира лекар.
ТРЕТМАН
Пред се, важно е да не се чешаат меурчињата, бидејќи може да се создадат лузни, но може да дојде и до бактериска инфекција. Децата мора да останат дома, а родителите на боледување се додека не престанат да бидат заразни, односно додека крастите не се исушат и чешањето не исчезне.
Во некои случаи, ќе биде потребно само мирување и намалување на телесната температура, додека кај лицата со потешки симптоми ќе биде потребно лекување.
Најпознатиот третман за овчи сипаници е капењето во раствор од хиперманган што може да се купи во аптека. Освен тоа, се користи и каламински лосин. Земањето лекови против болки, доколку лекарот тоа го одобри, може да помогне, како и туширањето во поладна вода и пиењето доволно течности за да се избегне дехидрација.
