Сосема е нормално малите деца, откако ќе проодат, да имаат модринки по рацете, а најмногу на нозете, бидејќи паѓаат многу пати во текот на денот.
Модринки, гребнатини, мали исекотини се составен дел од нормалното, здраво детство, бидејќи неизбежно е децата да ги „заработат“ при трчање, качување, скокање… Во повеќето случаи, модринките поминуваат со малку мраз и „мајчин бакнеж“, но постојат и некои модринки кои бараат внимание.
Особено внимание, велат медицинските експерти, треба да се обрне на модринка што може да се појави зад ушите. И тоа со темна боја, во задниот дел од главата, зад увото. Ваквата мерка на претпазливост е од причина што овој тип на модринка може да да постои можност да се работи за сериозна фрактутра на черепот. А, тоа, додаваат експертите, бара итен медицински преглед и третман.
„Мојот син неодамна ја повреди главата и кога се јавив на 911, првата работа што ми кажа медицинската сестра беше да му погледнам зад ушите“, раскажува една мајка.
Како што пишуваат лекарите на сајтот на Кралската детска болница во Мелбурн, модринка зад увото “обично укажува на фрактура на средната кранијална јама. Како и кај периорбиталните модринки, оваа модринка може да се појави и неколку дена по повредата”.
Доколку забележите било каков вид на модринки зад увото на вашето дете, однесете го на лекар, дури и ако поминале неколку дена од повредата. Во повеќето случаи, модринките не се причина за загриженост, но секогаш е подобро да ги провери лекар.
