Комуникацијата и разговорот со децата играат клучна улога во зајакнувањето на врските и разбирањето на нивните емоции. Но, понекогаш употребата на одредени изрази или прашања може да предизвика непријатност и негативно да влијае на нивниот емоционален развој.
Психологот, воспитувач и мајка Џејми Блох предупредува на пет такви фрази.
- “Доби што го доби и не се нервирај!”
Блох објаснува: „Оваа фраза емоционално го намалува искуството на децата и поттикнува потиснување и криење на чувствата. Наместо тоа, можете да кажете: „Го доби она што го доби и можеш да бидеш вознемирен/а“.
- „Зошто не можеш да бидеш повеќе како…“
Оваа фраза ги поттикнува децата да се споредуваат со другите, што може да ја ослаби нивната самодоверба. Наместо тоа, можете да кажете: “Секој размислува различно и сите ние сме различни. Да се фокусираме на тоа што можеш да направиш денес”, советува едукаторката.
- „Затоа што јас реков така“
„Оваа фраза го обесхрабрува критичкото размислување, здравата комуникација и разбирањето на вашиот одговор или граница. Една предложена фраза што можете да ја користите наместо тоа е: „Разбирам. Можам да видам дека си фрустриран/а. Ова е правило што го следиме бидејќи помага сите да бидат безбедни. Можеме да зборуваме зошто треба да го направиме ова“, објаснува Блох.
- “Престани да плачеш. Преболи го тоа”
„Ако ја користите оваа фраза, вашите деца ќе се чувствуваат осамено во своите емоции и ќе ги сметаат за погрешни. Обидете се да им кажете: „Нормално е да ја почувствуваш оваа емоција. Јас сум тука за тебе. Можеме да разговараме за тоа кога ќе бидеш подготвен/а“, објаснува Блох.
- „Доста, ќе бидеш добро“.
Оваа фраза го намалува искуството на децата и не ги признава, ниту потврдува нивните емоции. Наместо тоа, родителите можат да кажат: „Во ред е да не си во ред. Во ред е да се чувствуваш така. Исфрли го тоа од себе, јас сум тука да слушам“.
„Запомнете, не се работи за избегнување чувства, туку за учење заедно да управувате со нив. Со тоа што сте покрај вашите деца за време на нивните подеми и падови, вие ги опремувате со алатки што им се потребни за поздрав емотивен живот“, заклучува едукаторката.
