Генералниот директор на Светската здравствена организација (СЗО), Тедрос Аданом Гебрејесус вчера вечер изјави дека очекува брокот на случаи на зараза со новиот коронавирус, кој сега изнесува околу 9,3 милиони, идната недела да достигне десет милиони.
Тедрос на конференцијата за медиумите изјави дека СЗО сега им помага на многу земји во набавката на концентратори на кислород, уред кој помага во засилување на протокот на кислород кај заболените од КОВИД-19, но вели дека “побарувачката ја надминува понудата“.
Д-р Мајк Рајан, раководител на програмите за вонредни состојби на СЗО, изјави дека пандемијата во многу земји се уште не го достигнала пикот, и дека “ се уште е интензивна“, особено во Средна и во Јужна Америка.
“Би рекол дека состојбата уште се равива и се уште не го достигнала пикот, и најверојатно идниве недели нема да паѓа бројот на заразени, како ни бројот на смртни случаи од КОВИД-19“, изјави д-р Рајан.
Според него, во многу земји мината недела е забележано зголемување на бројот на заразени од 25 до 50 проценти.
