Сте ја примиле првата доза од вакцината против Ковид-19 и недолго потоа се чувствувате слободно да им се вратите на вашите секојдневни обврски и активности, кои беа ставени во мирување во услови на пандемија. Сепак, експертите велат дека враќањето на старите активности не е најпаметно особено ако сè уште не сте ја примиле втората доза на вакцината и не поминале најмалку 14 дена од тој ден, а уште поопасно е ако не сте вакцинирани. Дали одењето на лекар е опасно за вашето здравје? Подолу е список на неколку работи кои ве предупредуваат кога не треба да стапнете во чекална ниту, пак, во ординацијата.
За да се намали можноста од ширење на вирусот, многу ординации имаат пракса на доаѓање на само едно лице без придружба додека трае пандемијата. Значи, ако видите луѓе кои се појавуваат во голем број, придружени од семејството или пријателите, размислете да закажете друг термин. Д-р Мартин Југенбург смета дека бројот на луѓе во чекалната мора да биде ограничен
АКО ИМА ПАЦИЕНТИ ИЛИ ПЕРСОНАЛ БЕЗ МАСКИ
Можеби чувствувате олеснување ако сте се вакцинирале, но тоа не значи дека не мора да носите маска во затворени простори. Д-р Мартин Југенбург, смета дека ова е првиот знак дека не треба воопшто да бидете на тоа место.
„Во ординациите по општа пракса има пациенти кои се болни, и ова, се разбира, ќе доведе до лесно ширење на вирусот, особено ако маските не мора да ги носат сите што влегуваат“, додаде тој.
Центрите за превенција и контрола на болести на САД наведуваат дека секој што оди на лекар мора да носи маска и да не ги допира очите, устата, носот и лицето со рацете додека е таму. Тие исто така наведуваат дека лекарите треба да обезбедат маска за секој пациент што се појавува без неа.
ЛИЦА КОИ ДОАЃААТ СО ПРИДРУЖБА
За да се намали можноста од ширење на вирусот, многу ординации имаат пракса на доаѓање на само едно лице без придружба додека трае пандемијата. Значи, ако видите луѓе кои се појавуваат во голем број, придружени од семејството или пријателите, размислете да закажете друг термин. Југенбург смета дека бројот на луѓе во чекалната мора да биде ограничен.
ПРЕПОЛНА ЧЕКАЛНА
Во слична ситуација, односно кога секое столче во чекалната е зафатено, можеби е во ваш најдобар интерес да ја напуштите. Треба да се обезбеди доволно простор за пациенти и простор помеѓу седиштата, за да се избегне ширење на вирусот.
„Добар начин да се избегнат сите овие ризични ситуации е виртуелен разговор со лекар“, вели лекарот, додавајќи дека забележал дека ова е успешна стратегија.
