Изливите на бес се емоционални епизоди кај децата во текот на кои тие изразуваат емоции како лутина, фрустрација, тага и слично. Понекогаш родителите не се сигурни како да реагираат на овие изливи на бес, а некои однесувања може дури и да ги влошат. Педијатарката со повеќе од 30 години искуство, д-р Кетрин Тобин, предупредува на голема грешка што може да ги влоши тантрумот и ги моли родителите да престанат да ја прават.
„Не ги терајте да одат во нивната соба. Според моето искуство, оваа фраза всушност не е ефикасна ниту за родителите ниту за нивните деца“.
Таа тврди дека оваа фраза може само дополнително да ја влоши ситуацијата, иако понекогаш може да го мислиме спротивното. Основната идеја зад испраќањето на децата во нивната соба е тие да седат сами и да размислуваат за своите постапки. Меѓутоа, ова би можело да ги научи да ги потиснуваат своите емоции наместо да научат како да се справат со нив.
„Клучно е да се разбере дека малите деца ‘недолично се однесуваат’ затоа што имаат незрел мозок и едноставно ги немаат потребните алатки за да го изразат она што го сакаат на поприфатлив и поефикасен начин“, објаснува педијатарката.
Таа советува да барате алтернативни решенија, како што се безбедни катчиња во дневната соба, соба или кое било друго „безбедно место“ што ќе го изберат децата.
