Дневното излегување на свеж воздух е важно за градење и јакнење на имунитетот на бебето, а ниските температури не значат дека треба да останат во затворено. Сепак, потребно е и внимание, особено кога се во прашање бебињата. Со оглед дека децата до втората година од животот се посклони на хипотермија и организмот полесно им ја губи топлината, за прошетка треба да ги облечете слоевито во памучна облека и да ги покриете бидејќи лежат, па им е постудено.
“Бебето со наполнет еден месец може да излезе надвор дури и во зима, но ако е во прашање недоносено дете, подобро е да се одложуваат прошетките кога надвор се минусни температури. Во зима најдобро е да се шета околу пладне и да не се излегува која има магла, мраз или силен ветер. Не треба да шетате ниту навечер“, објаснува педијатарката, д-р Џована Армано.
Дневната прошетка, додава таа, никако не подразбира престој во шопинг центри. За првите излегувања со бебето во зима доволно е до половина час и постепено продолжување на времето поминато надвор. Децата постари од две, три години можат надвор да бидат и подолго од еден час, ако се физички активни. На бебињата во зима често им тече носот, што е нормална реакција на студениот воздух.
Со оглед дека бебињата често и се лигават, потребно е да се брише делот околу усните, да влажната кожа да не се оштети. Од таа причина подобро би било бебето да нема цуцла во устата, за под неа да не се собира плунка.
“Најниската температура кога можете да се шета зависи од возраста и временските услови. Скандинавците излегуваат на -15, но ние не сме навикнати на тоа. Не би препорачала најмалите да излегуваат кога температурите се под нулата”, вели д-р Армано.
Една од најчестите грешки што ги прават родителите е несоодветното облекување на децата – и тоа почесто премногу дебело, отколку премногу тенко. Бебињата надвор задолжително мора да имаат капа бидејќи 25 проценти од телесната топлина се губи преку главата, но тоа не значи дека и во затворен простор мора да бидат премногу облечени.
Така може да дојде до оштетување на терморегулацискиот систем, па детето подоцна ќе биде зимурливо и склоно кон настинки. Поголемите деца кои скокаат и трчаат треба да се облечат еден слој помалку, бидејќи ќе се препотат, а облеката треба да биде непропустлива.
“Лесно ќе препознаете дали на бебето му е ладно. Ќе плаче, рацете ќе му бидат многу студени, а може и да трепери. Доколку родителите ги забележат овие знаци, детето треба да се однесе дома, да се загрее и да му се даде топла напивка. Ако на бебето подолго време му е студено, може да омлитави, да настине, да биде плачливо, како и да стане почувствително на вируси и бактерии“, вели д-р Армано.
