Перницата за бебе не е производ кој треба да се вброи на листата на најпотребна опрема за детето. Зборуваме за перница со помали димензии која е мека и прилагодлива.
- КОГА МОЖЕ ДА СЕ КОРИСТИ?
Стручњаците секако препорачуваат ваквата перница, без оглед на намената, да не се користи пред бебето да наполни една година. Причината е дека децата помали од една година се уште не можат да ја турнат перницата наназад ако се свртат, така што им останува на лицето и почнува да ги гуши.
До една година, бебето најдобро е да спие на рамна и цврста подлога, односно душек. Стручњаците велат дека децата без перница може да спијат и до две или три години.
Родителите најчесто мислат дека перницата на бебињата им е потребна за да не дојде до појава на т.н. “залежана“или сплескана глава“. Плагиоцефалијата, односно синдромот на сплескана глава, ја обликува главата на бебето малку поинаку од што треба да биде. Поточно – главчето на бебето не се заоблува на одреден дел ако бебето постојано спие во иста поза.
Но, важно е да се напомене дека овој синдром обично сам исчезнува до првиот роденден на детето. На детето наместо со перница, како што мислат родителите, може да му се помогне така што, додека е будно се става во положба на стомак. Корисно е и на бебето додека спие повремено да му се врти главата.
