Кај повеќето жени, неважно дали веќе имаче породување или тоа им се случува за прв пат, првата асоцијација на породувањето е болка.
Ова се пет клучни работи како да го надминете стравот и породувањето да го направите безболно:
ВЕРБА
За почеток треба да верувате во безболност на породувањето, за да мозокот биде ослободен од стравот. Позитивниот став е најдобра и најбезбедна форма на анестезија.
АКТИВЕН СТАВ
Трудницата за време на породувањето мора да биде максимално концентрирана и ангажирана во сегментот на чинот на породувањето. Таа активација треба да стапи на сила на самиот почеток од бременоста. Пожелно е уште тогаш секоја идна мајка да почне со психофизички подготовки за породување. Кога ќе почне породувањето, таа активација треба да биде на највисоко ниво. Ако биде доволно концентрирана, трудницата ќе може да ја контролира ситуацијата, правилно да диши и да се релаксира. Колку родилката е повеќе вклучена и концентрирана на самото породување, толку се помали шансите за болните надразби да стигаат во свеста. Активниот став на бремената жена подразбира и физичка активност, во вид на секојдневни прошетки со умерен интензитет, како и вежби пилатес и јога, што исто така значајно влијае на бременоста, на здравјето на мајката и на бебето, а докажано е дека на тој начин бременоста се одвива многу полесно.
ДИШЕЊЕ
Примарната цел на дишењето е размена на гасови во организмот. Во бременоста расте потребата за кислород, па затоа и дишењето има особено значење. Доколку матката за време на породувањето не се обезбеди со доволна количина на кислород, доаѓа до создавање на млечна киселина и појава на грчеви, кои не се природна контракција на матката. Кога болката ќе се појави, трудницата почнува се повеќе да се грчи и неправилно да диши, што уште повеќе го потенцира недостатокот на кислород во матката, и тогаш болките стануваат поинтензивни.
РЕЛАКСАЦИЈА
Релаксацијата подразбира постигање на целосна опуштеност на сите мускули во телото, за да се намали нерационалното трошење на кислородот. Целта на релаксацијата е да за време на породувањето, мускулите кои учествуваат во породувањето, максимално се обезбедат со кислород. Тие вежби, како и вежбите за дишење, се учат за време на бременоста. Жените кои не ја совладуваат оваа техника, за време на контракциите ги стискаат дланките, ја грчат вилицата, се превртуваат по кревет… А, токму поради тоа, внесениот кислород почнува да се троши на мускулите чија работа не е неопходна во породувањето.
ИСХРАНА
Еден е од најважните предуслови – како за здрава и лесна бременост, така и за лесно породување и здраво бебе. Погрешно е мислењето дека жената за време на бременоста треба да јаде за двајца. Истина е дека оброците треба да бидат малку пообилни од вообичаено, но многу е поважен квалитетот на тие оброци. Правилната исхрана е од пресудно значење за развој ан бебето и одржувањето на нормална тежина на трудницата, но и за превенција на тегобите врзани за дигестијата – како запек, хемороиди, жиговина и мачини. Статистиките покажуваат дека жените со помала телесна тежина, многу полесно и побрзо се породуваат.
