Однесувањето на доминантните деца често се смета за „шефување“. Но, тоа е сосема нормална реакција во свет каде децата имаат мала контрола, смета психологот Џејми Блох.
Развојно е нормално и соодветно на возраста децата да бидат гласни и да сакаат да контролираат сè“, изјави Блох.
Без разлика дали тоа е во парк, дома или на игралиште, шефувањето се јавува кога децата почнуваат да развиваат чувство на автономија и независност.
„Мозокот почнува да развива свест и концепти за себе. Затоа, децата почнуваат да ги разбираат нивните преференции и желби, но им недостига способност целосно да ги регулираат своите емоции и да ги разберат социјалните вештини“, забележува Блох, која исто така е мајка на две деца.
Психологот вели дека таа самата ѝ помага на ќерка си да управува со својата самоувереност без чувство на вина и срам. За да го насочи детето кон позитивно и продуктивно однесување, таа користи пет фрази. Тие се:
- „Ми се допаѓа што си искрена, но ајде да најдеме начин да направиме твоите зборови да звучат поубаво“.
- „Слушам дека давате многу инструкции. Прашај го брат ти/сестра ти/ другарчето што мислат за таа игра“.
- „Гледам дека постојано ти даваш идеи. Важно е да ги вклучиш идеите и на другите деца.
- „Во ред е да избереш што ќе нацрташ, а јас ќе изберам што сакам јас да нацртам“.
- „Гледам дека навистина сакаш брат/сестра/пријателот да направи одредена работа. Но ти си задолжена само за себе.
„Да се има дете со многу самодоверба и силно чувство за автономија во никој случај не е лоша работа. Охрабрете ги децата да бидат наметливи, но на љубезен и свесен начин“, заклучува психологот.
