На родителите може да им биде тешко да препознаат што е добро, а што лошо. Има безброј совети за воспитување деца, но не треба да веруваме во се што читаме или слушаме. Некои работи за родителството всушност и не се точни, а ова се пет митови за родителството кои често ги слушаме.
Шеќерот ги прави децата хиперактивни
Според истражувањата, шеќерот не ги прави повеќето деца хиперактивни. Ако децата полудуваат кога се на детска роденсенска забава, тоа е поради адреналинот, а не поради слатките.
Детските потреби секогаш мора да бидат на прво место
Родителството може да биде емоционално и физички исцрпувачко и навистина бара многу труд и напорна работа за да се задоволат потребите на децата. Многу е важно родителот да биде здрав и стабилен за да ги води своите деца во вистинската насока.
Децата можеме да ги разгалиме ско ги држиме премногу
На бебињата им треба родителско внимание бидејќи тоа им помага да растат емоционално, физички и психички. Важно е да се држи бебето за да почувствува топлина, правилно да диши и здраво да добива на телесна тежина. Татковците се охрабруваат да ги држат своите бебиња за да развијат блиска врска со нив, а не за да ги разгалат.
Добро е да го оставите детето да плаче
Бебињата не знаат што е манипулација и не е добра идеја да ги оставите да плачат. Плачењето обично е сигнал дека нешто не е во ред. На овој начин бебињата ни сигнализираат дека се гладни, дека треба да се пресоблечат, дека им е ладно или топло или дека нешто ги боли.
Физичкото казнување е добар начин за дисциплинирање на децата
Физичкото казнување предизвикува децата да станат агресивни и асоцијални. Долгорочни последици може да бидат и проблеми со менталното здравје. Експертите ги советуваат родителите да градат врска полна со доверба и да работат на искрена комуникација со децата. Треба да останеме смирени за време на изливите на бес и да поставуваме јасни граници, а не да прибегнуваме кон физичко казнување.
