Стручњаците издвоиле најчести работи околу кои родителите размислуваат во првите месеци по раѓањето на бебето, и објаснуваат кои кои ситуации нема причина за загриженост.
Враќање на храната (бљуцкање)
Голем број бебиња од раѓањето до третиот месец ја враќаат храна, или народски кажано бљуцкаат барем еднаш дневно. Дигестивниот систем кај бебето се уште не е целосно развиен, па затоа стомакот лесно враќа се во хранопроводот. Новороденчињата генерално бљуцкаат веднаш по хранењето, и тоа поради прејадување или задржување на воздух. Според стручњаците, нема причина за загриженост, доколку бебето јаде нормално и убаво. Сепак е важно да се направи разлика помеѓу бљуцкање и повраќање. Првото е лесно испуштање течност од устата, додека повраќањето е насилно исфрлање на поголема количина течности.
Бебешки акни
Ова е честа, но привремена појава. Карактеристични се мали црвени или бели испкнатини, кои често се јавуваат на брадата, челото или на носот. Обично се појавуваат две или четири недели по раѓањето, а исчезнуваат за 3-4 месеци. Оваа состојба ја предизвикува хормонскиот статус на мајката, па затоа се засилува лачењето на лојните жлезди и се затвораат порите.
Запушени солзни канали
Оваа појава не е ни малку ретка, а некои бебиња се раѓаат со тоа. Педијатрите објаснуваат дека тие тенки канали ги носат солзите кон шуплините во близина на носот, а кога се блокирани, вишокот солзи завршува во очите, што подоцна создава гној или гуралки. Докторите препорачуваат и масажа на солзните канали.
‘Рчење
Малите бебиња имаат тенденција гласно да дишат, бидејќи дишните патишта им се тесни и полни со секрет. Воздухот кои минува низ тој секрет предизвикува поинаква вибрација. Тоа ‘рчење е само вибрирање во дишните патишта. Овие звуци слабеат како растат дишните патшта на бебето и како тоа учи да голта повеќе течности. Но, некој пат ‘рчењето може да биде знак дека дишните патишта се блокирани, што значи дека детето мора да диши посилно за воздухот да ја мине таа блокада, по што се јавува таков звук.
Икање
Икањето не е работа околу која треба родителите да се загрижуваат, велат педијатрите. Како и кај возрасните, и кај бебињата е предизвикано од грчење на дијафрагмата. Прејадувањето е еден од честите причинители за икање. Доколку стомакот брзо се надува, или биде преполн, тоа може да предизвика спазам на мускулите на дијафрагмата. Причина за икање може да биде и голтањето на голема количина воздух за време на хранењето на детето, што повторно доведува до дуење на стомачето.
