Среќно и поврзано семејство обезбедува поддршка и чувство на сигурност за секој член. Во таква атмосфера, љубовта и разбирањето се клучни, а едукаторката за воспитување и детски психолог Џејми Блох открива уште неколку важни фактори. Таа посочува пет навики кои ги практикуваат среќните и поврзани семејства.
1. Јадете заедно секогаш и каде што е можно.
„Истражувањата покажуваат дека им помага на децата да се чувствуваат повеќе поврзани со своето семејство и да имаат посилно чувство на припадност кога има редовни моменти на поврзување. Тоа не мора да биде исклучиво дамо заеднички оброк“, вели Блох.
2. Разговарајте за тоа како ви поминал денот.
Важно е да се одвои посебно време за дружење со децата. Едукаторката истакнува: „Тоа може да биде за време на возењето до некоја активност после училиште или дел од вашата рутина пред спиење“.
3. Најдете време да играте заедно.
Блох тврди дека играњето заедно е многу важно, дури и ако трае само 15 минути. „Забавувањето со децата е одличен трик за поврзување поддржан од науката“, вели таа.
4. Вклучете ги децата во секојдневните задачи и оставете ги да помагаат дома.
Блох напоменува: „Децата сакаат да помагаат! Можете да поттикнете самодоверба и чувство на самопочит кај вашите деца со тоа што ќе им дозволите да бидат независни и да помагаат во домашните работи“.
5. Пронајдете јазик на љубов со вашите деца.
Јазикот на љубовта е начинот на кој некој ја покажува, разбира и прифаќа љубовта. Значи, ако човек прими љубов со тој „јазик“, ќе се чувствува сакано.
„Само затоа што нашиот љубовен јазик е допирот, не значи дека нашите деца се чувствуваат исто. Обидете се да размислите кој љубовен јазик најмногу е поврзан со вашите деца и најдете нешто што можете да правите секој ден за да им покажете љубов на нивниот јазик“ заклучува едукаторката.
