Родителството е пронаоѓање рамнотежа помеѓу љубовта и дисциплината, а таа рамнотежа најлесно ја наоѓаат родителите кои знаат како да постават јасни, доследни граници, а воедно да останат нежни, достапни и грижливи. Поставувањето граници не значи да се биде строг или ладен, напротив, децата кои имаат граници поставени со почит честопати се чувствуваат побезбедно и поблиску до своите родители. Овие се клучните карактеристики на родителите кои успеваат во ова.
- Јасна комуникација
Родителите кои успешно поставуваат граници користат едноставен и јасен јазик. Наместо нејасни закани или наредби, тие објаснуваат што очекуваат и зошто. Потоа децата подобро ја разбираат целта на правилата и чувствуваат дека учествуваат во нивното донесување.
- Доследност
Децата ги тестираат границите, но доследноста им дава чувство на сигурност. Кога родителите реагираат слично на непосакуваните однесувања секој пат, децата знаат што да очекуваат, а тоа им помага да развијат саморегулација.
- Емпатија и топлина
Границите можат да се постават и со љубов. Наместо да казнуваат, овие родители нудат сочувство: „Знам дека си лут затоа што не можеш да излезеш во моментов, но правилото е прво да си ја завршиш домашната задача“. Емпатијата му покажува на детето дека неговите чувства се важни, дури и кога однесувањето треба да биде насочено.
- Активно слушање
Родителите кои го слушаат своето дете, навистина слушаат, подобро ги разбираат неговите потреби и причините за неговото однесување. Ова им овозможува да ги прилагодат границите на потребите и ситуацијата за развој, но исто така и да избегнат непотребни конфликти.
- Признаваат грешки
Никој не е совршен. Родителите кои знаат да кажат „Извини, згрешив“ го учат своето дете на важна животна лекција, одговорност и понизност. Ова дополнително го зајакнува одност полн со меѓусебно почитување.
Психолозите истакнуваат дека границите се основа на емоционалната безбедност. Вака им даваме до знаење на нашите деца: „Те сакам и сакам да те заштитам“. На тој начин децата развиваат самодисциплина, самодоверба и подобри социјални вештини.
