Постојат многу работи околу кои може да се договорите со детето, за кои и не е потребно строго правило кои едноставно се менуваат од ден во ден. Некогаш нема да ви пречи што децата скокаат по креветот, а некогаш ќе ви пречи. Можеби сте тип на родител кој дава предност на креативноста, и кому не му пречат испишаните ѕидови во станот. Но, тоа не ви за сите работи. Има нешта на кои секој родител треба да инсистира и да биде строг околу нив. Еве такви пет:
СПИЕЊЕ
Легнувањето во кревет е најчесто водена битка во речиси секое семејство. Родителите се свесни дека е важно детето доволно да спие. Искуството говори дека е многу поелсно да се истурка денот со одморено дете, отколку со она кое е ненаспано. Набљудувајте го своето дете, проценете колку сон му е потребно за добар одмор и потрудете се со сите сили и да му го обезбедите.
МАНИРИ
Со манирите се искажува почитување и важност кон другите и тоа е работа од која не треба да се откаже. Колку и да ви е мачно и досадно постојаното повторување и потсетување на детето да каже “молам“, “благодарам“, “добар ден“ или “довидување“, морате да имате широк поглед на работите. Вашето дете поради тоа ќе порасне во културна и воспитана личност.
ЉУБЕЗНОСТ
Сигурно не сакате невоспитано дете кое малтрертира други, зборува грди зборови и смислува пакосни планови. За да спречите такво однесување морате да делувате уште додека се мали и да не покажувате толеранција за нељубезност кон било кого.
ОДГОВОРНОСТ
Што и да и пречи околу училишниот систем, домашпните задачи, почетокот на часови на училиште и слично, вашето дете не треба тоа да го знае. Важно е да научите на одговорност и почитување на правилата и обврските кои ги наметнува училиштето. За да го постигнете ова, мора да бидете строги околу навременото стигање во училиште, извршување на училишните и вонучилишните обврски, но и околу грижата за сопствените работи. Одговорноста за себе и личните работи се важни животни лекции.
ЗДРАВЈЕ
Грижата за сопственото здравје е исто така една од најважните животни лекции и вештини. Почнете од себе и својот пример, покажете им на децата како се живее здраво, водејќи активен живот и бирајќи здрава храна. И доволно е тоа да биде малки, но секојдневно. Пешачете до училиште, излезете надвор за да играте, намалете го времето минато пред екрани, дружете се и научете да уживате.
