Децата кои се ментално и емоционално силни се често поотпорни, подобро се справуваат со различните емоции и можат дпосамостојно и понезависно да напредуваат во споредба со нивните врсници. За децата кои се ментално силни се поврзуваат овие здрави навики, кои тие ги развиле со текот на времето.
Добро избалансирана и здрава исхрана
Баланисраната исхрана е важна за физичкото и менталното здравје. Родителите треба да ги охрабруваат децата да јадат што е можно повеќе здрава храна, како што се цели зрна, овошје, зеленчук и храна богата со корисни јаглехидрати и протеини. Исхраната треба да им овозможи на децата да се чувствуваат добро, а со тоа и да прават се што се бара од нив.
Активен начин на живот
Родителите чии деца се ментално силни имаат навика да се занимаваат со активности. Овие активности може да вклучуваат танцување, играње спорт или едноставно игри на отворено кои ќе го подобрат расположението на децата и ќе го намалат стресот. Децата кои се израснати во активна средина стекнуваат отпорност и виталност, што промовира општо здравје и среќа.
Правилен распоред за спиење
Доволната количина на сон е приоритет за одржување на емоционалното и когнитивното здравје на децата. Воспоставувањето редовна ноќна рутина и мирна средина за спиење промовира смиреност кај децата и обезбедува подобар сон. Добриот сон ја подобрува бистрината на мозокот и менталната сила.
Социјални интеракции
На развојот на менталната сила кај децата, но и кај возрасните, влијае и развојот на блиски односи со семејството, пријателите и соучениците преку поттикнување љубезност, емпатија и редовно дружење. Развивањето на овие односи го зајакнува менталното здравје преку градење на еластичност и системи за поддршка кои се важни за надминување на пречките во животот и создавање чувство на припадност.
Емоционално изразување
Родителите треба да им помогнат на децата да ги препознаат и да научат да ги изразуваат своите чувства, поттикнувајќи искрен разговор и безбеден простор за изразување. Со сопствен пример, родителите можат да им покажат на своите деца како да се справат со стресот и анксиозноста, но и да покажат емоционална интелигенција и издржливост потребни за одржување на сопствената благосостојба и соочување со сите животни предизвици.
