Многу родители често се двоумат дали се веќе подготвени да го имаат своето идно дете или треба да почекаат уште малку. Меѓутоа, освен сопствената подготвеност, се случува да ја преиспитаат и подготвеноста на првороденото дете, а експертите објаснуваат дека постојат јасни знаци кои покажуваат дека детето се уште не е целосно подготвено за брат или сестра.
Дури и ако не планирате поради тоа да ја одложите бременоста, барем ќе можете да работите на подготовка на вашето постаро дете за промените што доаѓаат.
„Прашањето за одлучување за уште деца треба да се заснова на стабилноста и среќата на моменталната состојба на работите. Ако сите се среќни, учат и комуницираат добро, тогаш тоа е добра одлука. Од друга страна, доколку проблеми веќе постојат, може да настанат одредени проблеми“, објаснува психијатарот Алекс Димитриу.
„Во идеален случај, треба да има стабилност пред да се преземе нешто ново во семејството, а тоа вклучува и доаѓање на нов член. Таа стабилност е вкоренета во здравјето и благосостојбата на вашето дете, па затоа е важно да бидете сигурни дека неговите емоционални потреби се задоволени додека вашето семејство расте. Набљудувањето на неговото однесување и навиките во потрага за индиции за тоа како се чувствува е одлично место за почеток“.
Според неговото мислење, ова се знаци кои јасно покажуваат дека детето сè уште не е подготвено за брат или сестра:
- Сè уште спие во кревет со вас
- Сè уште доите
- Не разбира дека малите бебиња се „здодевни“
- Не научило да поминува време без ваше присуство
- Упорно зборува дека не сака брат или сестра.
