Петтата година е голема пресвртница. Детето веќе не е мало и оваа транзиција дава можност за поголема независност и одговорности. Ова е совршено време да го научите вашето дете на некои основни, но важни информации.
Децата помлади од пет години можат да ги следат упатствата кога се во опасност, а после 5. година почнуваат да ги разбираат причините зошто постојат безбедносни правила. Тоа значи дека можат да ги разберат и последиците од нивното непочитување.
Според педијатарот Кристина Џонс, ова се пет клучни работи кои секое петгодишно дете треба да ги знае.
Петгодишните деца ќе се возбудат кога ќе го слушнат ѕвончето, но треба да им се објасни дека вратата можат да ја отворат само ако со нив е возрасен, бидејќи од другата страна може да има странец, а тие не можат да знаат дали е доверлив
Основни лични податоци
Петгодишно дете треба да го знае името и презимето на неговите родители, како и неговата адреса и место или градот во кој живее. На крајот, и телефонскиот број или бројот на мобилниот телефон на еден од родителите исто така спаѓа во категоријата лични податоци.
Што да направат ако се изгубат
Ако детето се изгуби, треба да побара други возрасни лица со деца и да ги замоли за помош, вели д-р Џонс. Ако не можат да ги забележат, научете ги да бараат униформирана личност, како што е полицаец или чувар или службеник во продавницата во која се наоѓаат.
Да не ја отвораат вратата без возрасно лице
Петгодишните деца ќе се возбудат кога ќе го слушнат ѕвончето, но треба да им се објасни дека вратата можат да ја отворат само ако со нив е возрасен, бидејќи од другата страна може да има странец, а тие не можат да знаат дали е доверлив.
Вршење едноставни задачи
Кога децата ќе наполнат пет години, можеби ќе забележите дека се нудат да ви помогнат во одредени работи што ги правите. Одлично е да ги вклучите децата во домашните работи и да им дозволите да чувствуваат гордост кога ќе ја завршат задачата.
Во исто време, важно е да го научите детето да ги знае границите. На пример, во ред е да ја постави масата, но ракувањето со ножевите да им го препушти на возрасните.
Да се јават на брза помош во итни ситуации
Децата на возраст од пет години треба да знаат како да се јават на брза помош. Затоа е важно да го знаат кодот за отклучување на вашиот мобилен телефон и како да се јават и да побараат помош. Исто така, важно е да разговарате со детето кога повикувањето помош е оправдано.
