Колку пати сте помислиле дека животот тотално ви се свртел откако сте станале мајка? Сте почнале целата своја грижа да му ја нусите на бебето, додека грижата за себе, како и повеќето мајки, сте ја ставиле во втор план. Секако, токму ваквиот пристап е сосема нормален и природен, бидејќи сте станале одговорна за едно мало суштетсво на кое му е потребна неограничена количина на време.
Сепак, на секоја мајка и е потребна издишка, момент за себе, момент да се чувствува добро и задоволно во сопствената кожа. Задоволни со себе, мајките се подготвени за направат повеќе и подобри работи, полесно да ги прифатат проблемите и посигурно да ги решат.
Што може да направите да се чувствувате убаво и како да поттикнете самодоверба? Многу е едноставно…
Негувајте ја својата кожа
Едуцирајте се, пронајдете своја дневна рутина на која ќе можете да и се посветите наутро и навечер. Средство за чистење и хидратантна крема нека бидат ваша дневна обврска. Ќе ви одземе само 5 минути. Додека бебето спие, маска за лице е добра идеја да го освежите сопствениот изглед.
Хидрирајте се
Особено ако соите, вашето тело има поголема потреба од течности. Во организмот се случиле големи промени, и трудете се водата да ја носите со себе и да пиете редовно.
Бирајте удобна облека
Дали сте слушнале за облека за т.н. “чеврто тромесечје“? Не се двоумете да облечете поопуштена облека. Хеланки, подолги здолништа, пошироки фустани ќе бидат вашиот најдобар пријател тогаш. Тесната облека може малку да почека. Многу е важно да ви е пријатно и удобно.
Побарајте помош
Многу жени се трудат сопствениот дом сами да го одржуваат чист и уреден, ручекот секогаш да биде подготвен, а облеката исперена. Сепак, со доаѓањето на бебето тоа е многу тешко да се постигне сам. Исцрпеноста и заморот може да влијаат на вашиот изглед, а и да доведат до лошо чувство во сопствената кожа. Поделете ги обврските со партнерот, уживајте во денот и не си правете стрес. Се е како што треба да биде!
Не бидете строги кон себе
Не се притискајте и не очекувајте да изгледате како останатите жени на социјалните мрежи. Совршени сте, токму таква какви што сте. Не се принудивајте да се вратите на старо, потрудете се да уживате во она кое сте, да бидете горди на себе. Најубава сте кога сте своја!
