Случаи на воспаление на срцевиот мускул, миокардитис, се пријавени кај тинејџери и млади возрасни кои примиле вакцина против Ковид-19, соопшти советничката група на Американскиот центае за контрола и превенција на болести (CDC), препорачувајќи понатамошно истражување на оваа ретка состојба.
Советодавниот комитет за имунизациски практики на CDC во изјава од 17 мај рече дека ги проучувал извештаите на неколку млади луѓе, претежно тинејџери и млади возрасни лица, главно мажи, кои развиле миокардитис – воспаление на срцевиот мускул.
Од CDC информираа дека случаите најчесто се јавиле во рок од четири дена по примањето на mRNA вакцината. Не е прецизирано за која вакцина станува збор, иако САД имаат дадено одобрение за две mRNA вакцини: Модерна и Фајзер/Бионтек
Оваа состојба генерално поминува без компликации и може да биде предизвикана од разни вируси, соопшти CDC.
Надзорните системи на CDC не откриле повеќе случаи отколку што се очекува кај населението, но членовите на Комитетот за вакцинација сметаат дека давателите на здравствени услуги треба да бидат запознаени со извештаите за „потенцијално штетната состојба“, рече Комитетот.
Не е познато колку луѓе развиле миокардитис и се препорачуваат понатамошни истражувања.
Д-р Амеш Адаja, виш научник од центарот за здравствена безбедност Џон Хопкинс, рече дека е познато дека вакцините предизвикуваат миокардитис и дека е важно да се следи ова за да се утврди дали е каузално поврзано со вакцината. Важно е да се земе предвид и односот ризик-корист, додаде тој. „Вакцините несомнено ќе бидат многу покорисни и ќе го надминат овој многу низок, ако конечно биде утврден, ризик“.
Оваа состојба генерално поминува без компликации и може да биде предизвикана од разни вируси, соопштија од CDC
Од CDC информираа дека случаите најчесто се јавиле во рок од четири дена по примањето на mRNA вакцината. Не е прецизирано за која вакцина станува збор. САД дадоа одобрение за итни случаи за две mRNA вакцини: Модерна и Фајзер/Бионтек.
Израелското Министерство за здравство во април соопшти дека проучува мал број случаи на миокардитис кај луѓе кои примиле вакцина на Ффајзер, иако сè уште не се донесени никакви заклучоци. Повеќето случаи во Израел се пријавени кај лица помлади од 30 години.
