Наближува враќањето во училишните клупи, а со тоа доаѓа и стресот и вознемиреноста кај родителите и децата. „Добрата вест е дека со мало планирање може да се олесни подготовката“, вели семејната терапевтка Гајане Арамјан.
„Во текот на летото, родителите сами ги кршат правилата. Знам по тоа што и јас самата гледам повеќе телевизија од вообичаено. Но, пред почеток на школската година, клучни се подготовката и рутината“, вели таа. Еве ги нејзините совети до родителите кои сакаат да ги подготват своите деца за успешно враќање на училиште.
Притисокот поради успехот на училиште може да биде стресен за децата. Затоа Арамјан апелира до родителите да се обидат да му влеат самодоверба на детето, дури и кога прави грешки. Разговарајте со детето за тоа што го мачи, со што се бори. Прашајте го како можете да му помогнете
Почнете да ја менувате утринската рутина неколку недели однапред
Ако нагло почнете да го терате вашето дете да си легнува порано или да го намалите времето пред ТВ екраните, можете да го збуните и да направите да се чувствува како да го казнувате.
„На детето мора однапред да му ги објасните промените. Почнете со промените две до три недели пред да започне училиштето. Почнете да го будите детето порано, изберете облека за новиот ден претходната вечер, наградете го детето кога ќе ги заврши сите задачи “, советува Арамјан за CNBC.
Ако вашето дете тргнува во прво одделение, можете да набавите книга која на забавен начин ќе опише што може да очекувате од новата рутина.
Намалете ја анксиозноста на детето (и вашата) предизвикана од одвојување
Според Stanford Medicine, скоро сите деца на возраст од 18 месеци до три години имаат одредено ниво на анксиозност предизвикано од разделување. Повеќето деца го надминуваат, но околу 3 отсто од нив го доживуваат и во основно училиште, покажуваат податоците на Детската болница во Филаделфија.
„Тоа е нормален дел од развојот на детето. Кога ќе го однесете вашето дете на училиште, кажете му дека ќе дојдете по него. Дури и ако изгледа очигледно, важно е да го кажувате тоа секој ден”, забележува Арамјан, која советува да не ја проектирате вашата вознемиреност врз детето.
„Ако плачете, ќе плаче и детето“, додава таа.
Влевајте му самодоверба на вашето дете, дури и кога ќе погреши
Притисокот поради успехот на училиште може да биде стресен за децата. Затоа Арамјан апелира до родителите да се обидат да му влеат самодоверба на детето, дури и кога прави грешки.
„Разговарајте со детето за тоа што го мачи, со што се бори. Прашајте го како можете да му помогнете. Самодовербата е покорисна отколку чистите петки“, тврди терапевтот.
Националната асоцијација за образование на САД во една статија од 2017 година наведува дека учениците имаат поголема веројатност побрзо да го усвојат градивото, да учат со разбирање, да бараат помош и да зборуваат пред класот кога се самоуверени.
