Многу родители често се прашуваат кога е вистинско време детето да го преместат во сопствена соба, но и од детско креветче во вистински кревет. Конкретен одговор, стручњаците немаат, но потенцираат дека за одлуката за преместување на детето во своја соба и кревет да биде олеснета, најважно е да го слушате детето и неговата подготвеност на промена. Наглата промена на околината без учество на детето, тешко дека ќе даде резултат, а кај детето може и да создаде отпор кон новиот простор.
Бројни родители сметаат дека кај детето по преместувањето во своја соба, ќе се поремети и неговиот, понекогаш, тешко воспоставен ритам на спиење. Секако, дека кај некои деца транзицијата понекогаш е тешка и помалку стресна, а кај некои всушност е и олеснување, па им обезбедува олеснување и подобро спиење во текот на ноќта.
Имено, кај некои деца доаѓа до будеќе во ноќта и барање на родителите, исклучиво затоа што знаат дека се наоѓаат во непосредна близина, а главно станува збор само за утеха. Освен тоа, некои деца имаат исклучително лесен сон, па се будат на секој звук, а со самото преместување во своја соба им носи олеснување и сакана тишина.
Кога е препорачаното време за спиење во свој кревет и соба?
Тешко е да се одреди фиксна возраст за своја соба и кревет, но препорачаното време е помеѓу 1 и 3, 5 години. Иако некои деца спијат во своја соба по само неколку недели од раѓањето, други тешко се прилагодуваат и со навршени 5 години. Правила навистина нема.
