Децата чии прсти се секогаш во устата, без разлика дали го цицаат палецот или грицкаат нокти, во иднина може да развијат помалку алергии.
Истражувачите од Универзитетот Отаго во Дунедин во Нов Зеланд следеле 1.037 учесници. Родителите морале да ги бележат навиките за грицкање нокти и цицање на палецот на своите деца.
Цицањето на палецот или прстот не е проблем за оралното здравје на многу рана возраст, но треба да се прекине пред да почнат да се појавуваат трајни заби. Децата обично ја напуштаат навиката да го цицаат палецот или прстот на возраст од две до четири години
Истражувачите потоа ги тестирале децата на алергени. Како што пишува „Телеграф“: „Нивните наоди покажаа дека децата што цицале палци или грицкале нокти имале помала преваленца на сензибилизација на возраст од 13 години од оние кои тоа не го правеле – 38 проценти во споредба со 49 проценти. Оние кои ги имале двете навики имале уште помал ризик, од 31 процент “.
Хигиенска теорија
Професорот Малколм Сирс од Универзитетот Мекмастер во Канада рече дека наодите се во согласност со „хигиенската теорија“. Оваа теорија сугерира дека децата мора да бидат изложени на клици и бактерии за да го зајакнат имунолошкиот систем.
Според Medicine Net, „се смета дека имунолошкиот систем на фетусот е потиснат за да се избегне отфрлање на мајчиното ткиво, но при раѓање мора да почне да препознава антигени кои можат да бидат поврзани со штетни инфекции“. Ако околината е премногу чиста, хипотезата сугерира дека имунолошкиот систем нема да созрее правилно и можеби нема да реагира соодветно кога детето ќе наиде на бактерии или други предизвикувачи од околината подоцна во животот.
- Професорот Сирс додаде: „Иако не препорачуваме охрабрување на овие навики, се чини дека постои позитивна страна“
Цицањето на палецот или прстот не е проблем за оралното здравје на многу рана возраст, но треба да се прекине пред да почнат да се појавуваат трајни заби. Децата обично ја напуштаат навиката да го цицаат палецот или прстот на возраст од две до четири години.
