Одредени предмети во нашиот дом можат да претставуваат потенцијална опасност за безбедноста на детето, а честопати не сме ни свесни за тоа. На ова предупредува и медицинската сестра и мајка на три деца Ники Јуркуц, која на својот инстаграм профил Tiny Hearts Education објави листа на работи кои можат да бидат многу опасни за нашето дете и кои треба да се отстранат.
Лекови – Покрај тоа што може да предизвикаат опасни по живот несакани ефекти кај децата доколку ги проголтаат, лековите исто така може да доведат и до задушување, поради што секогаш треба да се држат подалеку од деца, предупредува медицинската сестра.
Предметите кои лесно и брзо се загреваат, како што се тенџериња, пегли или шолји со вруќа течност, претставуваат голема опасност од потенцијални изгореници кои можат да му остават доживотни лузни на детето
Жици и кабли подолги од 20 сантиметри – Како што објаснува Јуркуц во својот пост, жиците и каблите подолги од 20 сантиметри претставуваат голема опасност за детето бидејќи можат да доведат до задушување. Ова вклучува полначи за мобилни телефони или лаптопи, ремени и сите видови играчки кои имаат јажиња на нив.
Работи што може да содржат вода – Медицинската сестра предупредува дека на детето му се потребни само 20 секунди да се удави и тоа во само неколку сантиметри вода. Затоа е потребно да се обрне посебно внимание на работи како што се када, базен, па дури и садови со вода за домашни миленици.
Предмети што имаат ситни батерии – Со оглед на тоа што бројот на деца кои се примаат на итна помош по голтање мали литиумски батерии, познати и како копчести батерии, се удвојува во изминатата деценија, педијатрите редовно ги предупредуваат родителите да внимаваат на играчките што ги содржат. Имено, токму тие претставуваат најголема опасност од задушување кај малите деца. Покрај играчките, тоа може да бидат и клучеви од автомобил или часовници.
Вруќи предмети – Предметите кои лесно и брзо се загреваат, како што се тенџериња, пегли или шолји со вруќа течност, претставуваат голема опасност од потенцијални изгореници кои можат да му остават доживотни лузни на детето. Токму затоа медицинската сестра Јуркуц предупредува дека децата никогаш не треба да се оставаат сами во близина на овие предмети.
