Сè уште не е целосно јасно какви долгорочни последици може да предизвика Ковид-19, но новото истражување покажува дека повеќе од половина од пациентите кои ја прележале болеста се борат со ДЕПРЕСИЈА.
Во истражувањето учествувале 3.900 луѓе, а резултатите покажале дека 52% од нив страдале од депресија откако се опоравиле од болеста.
Сè уште не е јасно дали депресијата е последица на самиот Ковид-19 или е последица на стресот како резултат на борбата против пандемијата заедно со борбата против болеста
„Луѓето заразени со коронавирус можат да доживеат симптоми на депресија со месеци по првичната дијагноза“, изјави водечкиот истражувач и професор по психијатрија на Медицинскиот факултет на Харвард, д-р Рој Перлис.
Комбинацијата на хроничен стрес за време на пандемијата и нарушување на социјалниот живот е рецепт за депресија и анксиозност, тврди Перлис.
Истражувачите исто така откриле дека младите мажи кои ја надминале потешката форма на Ковид-19 имале поголем ризик од развој на депресија
Перлис истакнува дека сè уште не е јасно дали депресијата е последица на самиот Ковид-19 или е последица на стресот како резултат на борбата против пандемијата заедно со борбата против болеста. Истражувачите исто така откриле дека младите мажи кои ја надминале потешката форма на Ковид-19 имале поголем ризик од развој на депресија.
Претходните студии открија врска помеѓу депресијата и губењето на мирис и вкус кај пациенти кои страдаат од Ковид-19, но Перлис и неговите колеги не ја потврдиле оваа поврзаност. Но, тие пронајдоа врска помеѓу главоболките што се јавуваат за време на Ковид-19 и поголем ризик од појава на депресија, пренесува WebMD. Авторите на студијата забележуваат дека постои и поголема веројатност дека болните луѓе ќе пријават дека страдаат од главоболка.
Покрај тоа, истражувачите наведуваат дека е можно пациентите кои имале симптоми на депресија по болеста да ги имале тие симптоми и порано или да се опоравиле побавно од депресија.
„Депресијата е болест што може да се лекува. Бидејќи стапките на депресија во моментов се толку високи, особено е важно да се осигура дека луѓето ќе имаат пристап до третман. Мора да ги охрабриме луѓето да бараат помош ако имаат симптоми на депресија“, додава Перлис.
Извештајот беше објавен онлајн на 12 март во медицинскиот журнал „JAMA Network Open“.
