Поголемиот број на родители се под притисок нивните деца да мораат да реализираат добри резултати во училиште. Оваа одговорност понекогаш ќе ви создава анксиозност. Домашните задачи се уште една работа во делот на училишниот живот кои исто така може да ви претставуваат притисок. Бидејќи, многу родители водат борба со децата да се завршат задачите и воопшто детето да се сети дека ги има. Понекогаш борбата околу пишувањето задачи може да се претвори во битка за контрола.
Иемно, детето сака да има поголема контрола над својот живот, а родителот неизбежно смета дека негова работа е да контролира многу работи во животот на детето.
Да се тера и присилува детето на пишување задачи секој ден е исцрпувачка и всушност невозможна работа. Но, она што можете да го направите е да го потсетите дето дека постои домашна работа што треба да ја заврши. Еве како:
- Осмислете структура околу времето на пишување домашни
Кога е време за пишување домашна, потребно е да поставите некои ограничувања, рутина и рамки кои ќе го оелснат целиот процес. На пример:
- Домашната се пишува секогаш во исто време
- Задачите се пишуваат на исто место
- Во случај на лоши оцени, потребно е да се намали времето пред екрани или она што му го одвлекува вниманието на детето
- За време на викендите, не почнувајте со активности пред домашната да биде завршена
- Намалете ги работи кои му го одвлекуваат вниманието на детето.
- Препознајте ги можностите на вашето дете
Некои деца може да дојдат дома и веднаш да се посветат на извршување на своите обврски. Други пак сепак треба да направат мала пауза од училишниот ден што е зад нив. Мора да препознаете кои се можностите на детето и да му овозможите одмор ако му е потребен.
