Родителите често се обидуваат да им помогнат на децата во нивните училишни обврски и задачи, но понекогаш тие можат да предизвикаат повеќе штета отколку корист. Имено, како што објаснуваат наставниците, родителите понекогаш сосема несвесно им наштетуваат на своите деца, а една работа која може да биде особено штетна ја прават повеќето. Станува збор за казнување на детето поради лоши оценки.
Иако многу родители ќе речат дека никогаш не го направиле тоа, повеќето од нив барем еднаш го казниле или критикувале детето кога добило лоша оценка на училиште. Како што откриваат наставниците, казнувањето на детето поради лоша оценка може да има сосема спротивен ефект од она што родителите се обидуваат да го постигнат, а тоа е подобрување на успехот на училиште.
Напротив, детето може да стане уште понесигурно во себе и во сопственото знаење, но и со текот на времето да ја изгуби мотивацијата за учење. Постои голема веројатност дека во овој случај учењето почнува да се поврзува со негативни емоции, а поединци може да почнат и да избегнуваат да одат на училиште.
